Utuh Kaciput Unjay-Unjay

Utuh Kaciput adalah anak Tangah Iyus lawan Busu Imas yang bagana di kampung Mabu'un, pancaharian buhannya adalah bahuma di baruh atawa pahumaan atawa jua sawah, Utuh Kaciput ni biar gawian kuwitannya bahuma tapi utaknya incir banar, kikira Presiden haja kalah lawan ka jeniusan si Utuh nie. Utuh Kaciput jua ada ba'isi ading ngarannya Utuh Manyun, Utuh Munyun nie kalakuannya pina Sok atawa panahunya pada urang, padahal kada tahu jua.

Pada suatu hari Si Utuh Kaciput tulak madam ka Jogja, mambawa dua buah koper nang baisi pakaian, lawan parkakas sagan bamasak, kamana garangan yu si Utuh tie'? ih sakalinya Si Utuh dapat beasiswa ulih Bupati kuliah ka UGM ( Universitas Guring Malandau hahhaha.......) atawa Universitas Gadjah Mada jer urang tu. Barangkat ai Si utuh tie', di antar ka Bandara Warukin. salapas basalaman lawan kaluarga barangkat ai si Utuh naik Hiligudir alias Helikopter (Pesawat ban nya miris pang!).

Sampai Si Utuh ka Jogja, tinggal di Asrama Antasari, disana Si Utuh bapander pakai Bahasa Indonesia, walaupun campur kalaras (bacampur lawan bahasa Kalua), kaya itu lah si Utuh menjalani kahidupannya di sana.

Kada karasa'an sudah Anam Bulan si Utuh di sana, libur semester pun tiba, akhirnya si utuh bulik ka Kampung, Dikampung Si Utuh Kaciput ni kada mau lagi pakai bahasa Kalua tapi pakai Bahasa indonesia (buuuuuueeeh), suatu hari di kampungnya tuh musim mamacak alias batanam banih di pahumaan, umpat ai si Utuh ka pahumaan di kawani Utuh Manyun, wayah si Utuh Kaciput hendak bakamih (pipis jerr) di bawah pohon Durian pas tatamu lubak nang banyak baisi iwak Haruan, baucapai Si Utuh lawan Utuh Manyun
"Waduuh, banyak sekali Ikan Gabus di Sini yaa ?" Kata Utuh kaciput,
lalu Si Utuh Manyun nie kada mau kalah jua pakai Bahasa Indonesia, "Ikan Haruan Juga aada?"kata Utuh Manyun, lalu bepander pulang Utuh Manyunl "awas tuh burung kamu unjay-unjay, tidak di tutup ya habis bakamih".
Sambil melihat kebawah si Utuh Kaciput berkata "Bah pantas haja rasa dingin dibawah, membaheyekeeen nang ini unjay-unjay sarundun ku niyh, untung kada igut nyamuk, jaka anu bangkak, iya kaloko (bbbah bungkas bahasa kalua sakalinya).